1. Soul Surfer: He film hi thil thleng tak tak (real life) behchhana siam a ni a, a hmuhnawm khawp mai. Hawaii rama chêng hmeichhe tleirawl kum 13 mi, Bethany Hamilton-i chu tuia chêng tur rênga piang emaw tih mai turin tui a thiamin Surfing-ah phei chuan a rualpui zingah a tluk pha an awm meuh lo. Chutia nuam ti taka tuia an chên lai chuan ṭum khat chu Shark-in a bân vei lam a rawn seh bung ta hmawk mai! Chumi vanduaina aṭanga Pathian a rinna leh a chhungkhat laina leh ṭhiante zâra harsatna tinrêng a paltlang dan leh, Surfing-ah ngei pawh Champion ni khawpa a inzir chhuah leh dan chanchin a ni.
A changtute chu: Anna Sophia Robb, Dennis Quaid leh Helen Hunt te bakah Country Singer lar Carrie Underwood pawh a tel nghe nghe.
2. Letters to God: Mipa naupang kum 8 mi Tyler Doherty, cancer natna veiin huaisen tak leh Pathian ring chunga a natna a hmachhawn dan chanchin a ni. A ṭhian ṭha ber hnenah nitin deuhthawin lehkha a thawn ṭhin a, chu a ṭhian chu Pathian a ni. Chung a lehkhathawnte hmanga Pathianin mi dangte nun a khawih nasatzia he film hian a entir a, rilru a khawihin Kristian nun fuihtu ṭha tak a ni.
A changtute: Tanner Maguire, Jeffrey Johnson, Robyn Lively leh mi dangte.
3. To Save A Life:(2010) High School zirlai Jake Taylor-a chu Basket Ball thiam a nih bakah bialnu thar a neih tak avangin a naupan têt aṭanga a ṭhian tha ber chu zawi zawiin a lo thlauthla ta a, a tâwp lamah phei chuan biak pawh an inbe ngai ta meuh lo. Chu a ṭhianpa khawhar leh mal ngawih ngawiha inhria, dam chhan tur nei ngang tawh lo nia inhriaa mahni a inkah hlum ni chuan Jake Taylor-a rilruah thil tam tak a lo lût a, a ṭhianpa kha lo ngaihsak deuh se a nun a chhan thei ang em? Chuta ṭang chuan rilru siam tharin, a zirlai pui dangte nun chhan nan hma a la chho ... harsatna leh zawhna tam tak karah Pathian rinna leh nun awmzia a chhar chhhuak zel...
A changtute: Randy Wayne, Deja Kreutzberg, Joshua Weigel leh midangte.
4.Fireproof: Fire fighter Caleb-a leh Catherine te nupa chuan an inkarah harsatna tawkin inṭhen mai an rilruk a. Chutih lai chuan Caleb-a pa chuan a fapa hnenah chuan an nupa inṭhen hmain ni 40 chhûng nghâk phawt tur leh chumi chhûng chuan "The Love Dare"an tih mai 'experiment' chu ti chhin turin thu a râwn a... Nupa tan phei chuan en ngei chi.
A changtute: Kirk Cameron, Erin Bethea, Ken Bevel, etc.
5. What Would Jesus Do? (WWJD) California rama Raymond khaw pastor chu a nupui naupai lai leh a fapa Motor accident-a a hloh avangin Pathian a rinna thlengin a nghing a, a rawngbawlna phatsana pêm mai a tum a. Chutih lai chuan mikhual pakhat khaw chhungah lo lutin chu khuaa mi challang deuh deuhte nun chu a rawn khawih danglam ta... duhâmna leh sum ringawt ûmna aṭangin, "Isuan engtinnge a tih ang?" tiin an inzâwt ṭan ta....a zirtir a ṭhain Kristian nun a châwm hle...han en ve teh.
A changtute: John Schneider, Maxine Bahns, Adam Gregory leh midangte.
6. Faith Like Potatoes: Thil thleng tak tak behchhana siam a ni a, South Africa rama Angus Buchan-a te chhungkaw chanchin, Pathianin harsatna leh nêk chêpna kâra mak tak maia a ṭanpui dan lantirna film a ni. Rilru khawih tak leh Pathian rinna kawnga min pui thei lemchan ropui tak a ni.
A changtute: Frank Rautenbach, Jeanne Nielson, Hamilton Dlamini, leh midangte.
7. Courageous: Tun hnaia film chhuak thar ber pâwl a ni awm e. Ṭhian 4, Police officer ṭhiau, an ni tin hnaa hlauhawm tinrêng hmachhawn ṭhinten anmahni chung ngeia harsatna a lo thlen meuh chuan an nun inbih chiangin, an thinlung chhungril bera an beiseina, hlauhna leh rinna te an hmachhawn a lo ṭul ta. Chuta an duhthlanna chuan anmahni leh an fate nun kawng kumkhuain a tidanglam dawn si a... Dikna hlenchhuak tura huaisenna....Chhungkuaa en ngei chi bawk .
A changtute: Alex Kendrick, Ken Bevel, Ben Davies, Kevin Downes, leh midangte.
E khai.. I tarlan zingah en tawh pakhatmah ka lo nei reng reng hleinem! Kristian film ka en tam lohzia a lang hle mai! En tam a ngai a nih hi.
ReplyDeleteE, TS lo en ngai hlawm rawh. Engpawhnise, Kristian film hi a tam lo hrim hrim a, i lo la en lo pawh chu i thiamawm tho mai.
DeleteThis comment has been removed by the author.
ReplyDeleteKei, Film hi ka en tam lo hrim hrim. Ka en chhun pawh hi TV a chhuak, hmuhnawm ka tih deuh te an ni mai zel a, a film hming pawh ka hre mumal hlawm ngai lo. Computer-a film en hi ka tui ve thei hauh lo nia maw le!
ReplyDeleteI film sawiho hi nakinah min lo pe ve la a tha ang :)
@Zaia, ka la pe ve dawn che nia.
DeleteLetters to God khi hmuhnawn ka tih ve zawng tak.
ReplyDeletelr hlonchhing, ni e, a hmuhnawm reuh khawp mai. Khi film ang deuh khian Pathian hnenah hian letter ang reng ka ziak ve zeuh zeuh thin a (note buah), hetia han ziah hian kan ṭawngṭai a lo ni nghal zel mai tih ka hmu chhuak a, a tih chi phian a sin!
DeleteA khawia mah khi ka la en ve reng reng hleinem. A hmuhnawm hlawm em?
ReplyDelete@caribou, a hmuhnawm hlawm khawp a sin. Kristian film ṭhenkhat hi chu a thawnthu hi a ho deuh ṭhin a, khîng ho khi chu an ziaawm khawp mai. Kristian nun leh zirtirna ṭha tak tak nei an ni hlawm. I theih chuan i lo en ve ngei hlawm dawn nia.
DeleteFireproof khi a tha ka va han ti tak em! Nupa mai ni lovin in ngaizawng, nupui pasal inneih tum te tan chuan en ngei chi niin ka hria.. Bialnu ka neih veleh ka en tir nghal ang ka lo tia..hehe
ReplyDeleteTo save a life pawh khi kan tunlai Mizoram dinhmun nen en in kan thalai te hian a tam thei ang berin en se ka ti ngawt mai..
Courageous khi an release khan theatre ah an chhuah em tih ka thianpa nen kan zawng kual char char a, an lo chhuah si lova, duh anga hma ah pawh kan en theih loh phah ta ringawt... Ka ngei khawp mai..hehe
Cobte, heng film te hi hmuhnawm i lo ti ve a ka lawm e. Film ṭha dangte pawh i hriat nual ka va ring e! I hriat chuan min lo share ve ṭhin dawn nia. Thanks for your comments.
Delete